Fréttir

Nina Métayer fyrst kvenna sem kökugerðarmaður ársins

Franska kökugerðarkonan Nina Métayer var útnenfd Alþjóðlegi kökugerðarmaður ársins af Alþjóðasamtökum bakara og kökugerðarmanna (UIBC). Nina tekur við titlinum af Sigurði Má í Bernhöftsbakaríi sem lyfti titlinum síðast. 

Sigurður sem á dögunum var kosinn í stjórn Alþjóðasamtakanna var einnig sæmdur nýju heiðursmerki samtakanna, Select Club. Af þeim sökum kemur það í hans hlut að velja bakara og kökugerðarmann ársins og skipa í heiðursklúbbinn. 
Í samtali við Morgunblaðið greindi Sigurður frá því að afar ánægjulegt væri að vígja Ninu inn í heiðursklúbbinn, Select Club, sem er hin nýja frægðarhöll bakara og kökugerðarmanna. 
Hin franska Nina hefur vakið mikla athygli á síðustu árum í heimalandi sínu, var til að mynda valin kökugerðarmaður ársins af hinu virta tímariti LeChef og ári síðar hlotnaðist henni sambærilegur heiður þegar franska handbókin Gault & Millau útnefndi hana sem bakara ársins. 

Greint var frá þessu í Morgunblaðinu sem má nálgast hér